Chamada a patrocinadores

Queres formar parte da WordCamp de Pontevedra?

Fumos a primeira WC da nosa querida Galicia e nas dúas edicións que puidemos celebrar (2018, 2019) foron un éxito rotundo con máis de 275 asistentes.

Unha WordCamp chea de maxia, de estrelas, de polbo. Co que nos caracteriza: Alegría, bo ambiente, ser bos anfitrións, tal e como nos ensinaron as nosas avoas. 😉

WordPress é unha tecnoloxía marabillosa. A comunidade de España (e a galega), é unha das máis activas de Europa. Por iso podemos celebrar auténticas festas de WP na Facultade de Comunicación.

Obterás un nivel de visibilidade incrible na comunidade e apoias o open source para que o noso ecosistema siga medrando.

Beneficios do patrocinio

• Un evento do que esperamos unhas 275 persoas
• O noso grupo en meetup ten 681 membros
• Somos o grupo galego de WordPress máis antigo (2016) pero temos comunicación e nos axudamos entre os distintos grupos de Galicia: A Coruña, Ferrol, Ourense, Lugo e Vigo.
• Temos perfil de público moi variado: Desenvolvemento, marketing, creadores de contidos, tendas online.
• Colaboramos coa Universidade de Vigo que nos apoiou dende o comezo. Por iso temos moitos estudantes da facultade de comunicación que participan como asistentes ou incluso como voluntarios.
• Colaboramos co evento da PontUp Store, por iso facemos coincidir as nosas datas. Evento de emprendemento organizado pola Universidade e o Concello de Pontevedra. Faremos unha meetup especial este ano de emprendemento social.
• Boa relación cos medios de comunicación locais que se fan eco do noso evento.

Paquetes de patrocinio

Teremos distintos niveis de patrocino que che darán presencia online e física para a túa empresa.

Crearemos un artigo para o blog baseado nunha entrevista, mencións en redes sociais, antes, durante y despois do evento.

Faremos un xogo de networking que permita os participantes interactuar con tódolos patrocinadores.

E por suposto, terás o teu espazo para poder falar cos asistentes. Podes repartir merchandising, poñer rollups, materiais na bolsa de benvida, proxección entre charlas, concursos ou invitacións a cea de patrocinadores e relatores.

¡Forma parte da nosa familia de Pontevedra!

Nivel ouro (1.300 € / 0 dispoñibles)

Maior nivel de patrocinio do evento e, por tanto, os que terán a maior visibilidade tanto no lugar onde se realiza a WordCamp, como na nosa web e redes sociais.

Estes serán os teus beneficios se te apuntas a este nivel:

Online

• Aparecerá o teu logo en tamaño grande na nosa web
• Publicaremos un amplo artigo de agradecemento na nosa web (baseado nun formulario que che pasaremos)
• Faremos mencións especiais a través das nosas redes, antes, o inicio e o final do evento.

Offline

• Terás unha mesa dobre para merchandising, información, demos, networking…
• Terás unha posición destacada na área de patrocinadores
• Un logo grande será proxectado entre las sesións
• Recibirás 3 entradas para a WordCamp Pontevedra (para os representantes da túa empresa)
• Recibirás 3 invitacións para a cea de relatores, voluntarios e patrocinadores (para os representantes da túa empresa)
• Poderás incluír 2 elementos na bolsa de benvida para tódolos asistentes
• O teu logo sairá na acreditación personalizada de tódolos asistentes
• Faremos mencións especiais tanto o inicio como o final do evento
• Poderás facer un sorteo o final do día durante a clausura do evento
• Poderás poñer un rollup na zona de entrada o Track Abaixo
• Poderás poñer un rollup na zona de contribución o Día da Comunidade
• Terás espazo para merchandising nunha mesa común o Día da Comunidade

Nivel prata (900 € / 0 dispoñibles)

Empresas grandes e medianas que queiran estar presentes en Pontevedra. Estes son os teus beneficios:

Online

• Aparecerá o teu logo en tamaño mediano na nosa web
• Publicaremos un amplo artigo de agradecemento na nosa web
• Faremos mencións especiais a través das nosas redes, antes, o inicio y o final do evento.

Offline

• Terás unha mesa estándar para merchandising, información, demos, networking…
• Un logo mediano será proxectado entre as sesións.
• Recibirás 2 entradas para a WordCamp Pontevedra (para os representantes da túa empresa)
• Recibirás 2 invitacións para a cea de relatores, voluntarios e patrocinadores (para os representantes da túa empresa)
• Poderás incluír 1 elemento na bolsa de benvida para tódolos asistentes
• O teu logo sairá na acreditación personalizada de tódolos asistentes
• Faremos mencións especiais tanto o inicio como o final do evento
• Poderás poñer un rollup na zona de contribución o Día da Comunidade
• Terás espazo para merchandising nunha mesa común o Día da Comunidade

Nivel bronce (400 € / 1 dispoñible)

¿Pequena empresa con GRAN corazón? Este e o teu nivel de patrocinio. E estes son os teus beneficios:

Online

• Aparecerá o teu logo en tamaño pequeno na nosa web
• Publicaremos un artigo de agradecemento na nosa web cos demais patrocinadores bronce
• Recibirás varias mencións nos nosos tuits e actualizacións de Facebook

Offline

• Un logo pequeno será proxectado entre as sesións
• Recibirás 1 entrada para a WordCamp Pontevedra
• Terás espazo para merchandising nunha mesa común de patrocinadores durante o evento
• Terás espazo para merchandising nunha mesa común o Día da Comunidade

Patrocinios especiais:

Polbeiro (1.200 € / 0 dispoñible)

Despois da despedida celebramos a nosa tradicional after party. Un momento marabilloso para compartir e falar, e que mellor que acompañado dun autentico «polbo a feira». Unha marabilla da nosa gastronomía e que se converteu nun símbolo indiscutible da WordCamp de Pontevedra (¡incluso o temos o noso Wapuu!).

Se a túa empresa lle apetece ser a raíña final da festa, colocar un rollup na zona de networking, aparecer nos agradecementos da nosa web e redes sociais e recibir o cariño da xente, o patrocinio Polbeiro é o teu aliado. Escríbenos a pontevedra@wordcamp.org se queres máis información ou estás interesado nel para confirmalo. ¡Graciñas!

Polos nenos e nenas (400 € / 0 dispoñible)

Sabemos que a conciliación familiar e moi complexo na sociedade actual. En Pontevedra intentamos axudar as familias con nenos e nenas, para que poidan asistir o evento e seus fillos non morran de aburrimento nas charlas 😉

Por iso, contratamos a profesionais que poidan coidar e facer actividades cos máis pequenos da casa (¡nova xeración de WordPressers!).

O igual que co polbo, é un patrocinio especial: Se a túa empresa lle apetece patrocinar esta iniciativa, colocar un rollup na zona de networking, aparecer nos agradecementos da nosa web e redes sociais e recibir o cariño dos pais, escríbenos a pontevedra@wordcamp.org se queres máis información ou estás interesado nel para confirmalo.