Tras catro edicións de éxito, este ano celebraremos un evento de tres días centrado en WordPress como ferramenta fundamental para calquera proxecto de emprendemento.

Sabemos que o proceso de identificar oportunidades, innovar, ou reinventarse, é un arduo camiño cheo de riscos e adversidades, por iso queremos apoiar a autónomos e emprendedores a consolidar os seus negocios.

Como se fose unha peregrinación a un lugar no que atoparás ferramentas, coñecementos e aliados cos que impulsar, potenciar, ou escalar o teu proxecto. Vivirás unha experiencia única na que recargar enerxía, encherte de inspiración, e fortalecer a túa rede de contactos.