Forma parte da organización!
Unha WordCamp é só posible grazas ao traballo e ilusión de persoas voluntarias.
As persoas que colaboramos no equipo de organización, no equipo de voluntarios ou os relatores, non obtemos ningunha retribución económica. Pero iso non quere dicir que non gañemos nada.
Ver o resultado do noso esforzo, os froitos do noso traballo, como todos os participantes levan un bo recordo, é unha experiencia inesquecible, é unha recompensa, unha sensación de satisfación e crecemento persoal incalculable.
Na WordCamp Pontevedra queremos que compartas esa experiencia e sentimento con nós.
Buscamos persoas coma ti!
Necesitamos persoas que desexen compartir un anaco do seu tempo para lograr que a WordCamp Pontevedra 2024 acade o mesmo éxito que nas edicións anteriores.
Se queres participar formando parte do equipo de voluntariado da WordCamp Pontevedra 2024, o único que precisas é ter gaña e involucrarte coa comunidade de WordPress.
Coméntanos por qué queres ser voluntario. Non o penses, faino xa!
Ser voluntario na WordCamp Pontevedra, convértete nun peza esencial do seu éxito.
Compartes o tempo e a experiencia co equipo de organización e relatores. Coñeces e falas con visitantes de todos os lugares.
Ademais, recibes a camiseta exclusiva para voluntarios e a nosa característica bata galega. Unha prenda que poucos teñen, pero moitos desexan!
Como membro do equipo de voluntariado, a entrada é de balde, incluida a comida do evento, e poderás disfrutar da invitación á cea de relatores, organización e voluntarios.
En qué poderías colaborar?
Como parte do equipo de voluntarios, asignámosche unha serie de tarefas para que, na medida do posible, poidas desfrutar de todas as actividades que che interesen do evento.
Máis durante o día, xurden situacións non planificadas ou imprevistos nos que a túa axuda será esencial. Por iso, ser unha persoa resolutiva en proactiva é algo que che agradecerémos moito.
Hai moitas encomendas, tarefas ou recados nos que podes colaborar, e que supoñen unha gran axuda. Algunhas coma:
- Recibir no rexistro ós asistentes para darlles a benvida e entregarlles as acreditacións, as camisetas, o pack de benvida…
- Supervisar e colaborar nas horas do café e comida para que non falte de nada.
- Asistir ós relatores e patrocinadores cando o precisen, e axudar ós asistentes a ubicarse.
- Levar o control dos tempos nas sesións, mover os micrófonos entre os asistentes durante os turnos de preguntas.
MOI IMPORTANTE!
Sería xenial se, como voluntario, puideramos contar contigo en Pontevedra desde o venres 20 de setembro á tarde. Así poderás coñecer o lugar, ao resto do equipo e podemos facer axustes da asignación de tarefas se fose necesario.
Prazo de inscrición pechado
O responsable do voluntariado da WordCamp Pontevedra está a analizar todas as candidaturas recibidas para poder seleccionar ás persoas que formarán parte da organización deste ano.
Ten paciencia, mantente atento ó mail, e en canto poidamos, farémosche saber se foches seleccionado ou non.
Para calquera dúbida, mándanos un correo a pontevedra@wordcamp.org ou cubre o formulario na páxina de contacto.
Subscríbete ó noso blog
Entérate de todo o que estamos a facer para que este evento sexa inesquecible.
