Estás preparado ou preparada para asistir a unha das mellores WordCamps do mundo mundial? 😉 Festa, WordPress e moito networking.
O noso encontro de WordPress anual de toda Galicia na nosa querida Pontevedra. Facémolo con moito cariño e ese é todo o secreto do éxito do noso evento. ❤️
Coa túa entrada estás apoiando o open source. Como ves, ten unha contía moi reducida, grazas ós nosos patrocinadores, que nos apoian económica e moralmente, para que isto sexa posible.
Que inclúe a miña entrada?
A entrada da acceso a todas as actividades os días 16 e 17 de Setembro: por un lado, ás conferencias do sábado (haberá dous tracks con charlas de todos os niveis, que detallaremos no programa) e, por outro, o Día da Comunidade o Contributor day, o domingo.
Están incluidas as comidas durante o evento, tanto o sábado como o domingo. Así como o café / té / auga durante as pausas do evento, que se realizarán pola mañá e pola tarde.
Tamén permitirache acudir á after party (ou festa rachada) do sábado pola noite, onde poderás tomar algo de forma distendida con outros asistentes ó evento.
Ademais, recibirás unha camiseta conmemorativa da WordCamp Pontevedra 2023 (elixes a túa talla ó mercar a entrada), unha acreditación personalizada… e algunha sorpresa máis!
A inscripción ó taller de WordPress que se celebra o día 15, é diferente á entrada xeral. Esa actividade é GRATIS e podes inscribirte na seguinte ligazón: Taller de WordPress e do_action.
Importante: antes de mercar
- Es estudiante ou profesor da Universidade de Vigo? Temos un desconto do 60 % para as primeiras 55 entradas de persoas desta comunidade que o acrediten, quedando o prezo da entrada en 10 €. Contacta con nós para que xeremos o teu cupón personalizado. Só tes que enviarnos os teus datos e unha acreditación de que formas parte da comunidade universitaria.
- Queres optar a ser relator, voluntario ou patrocinador? Non merques aínda a túa entrada. Se resultas seleccionado, a asistencia será de balde para ti.
- Utilizamos o sistema Gravatar para mostrar a foto ou avatar dos asistentes na páxina de asistentes. Se queres que a túa foto apareza no listado e na túa acreditación personalizada, abonda con crear unha conta e asignarlle o teu avatar ou foto ó correo electrónico que utilizarás para adquirir a túa entrada.
- AUTORIZACIÓN: Polo ben da comunidade e con fins de promoción, haberá voluntarios e/ou fotógrafos profesionais na WordCamp Pontevedra 2023. Ó acudir o evento autorizas a utilización da túa imaxe se apareces en fotos ou vídeos que se poidan tomar que mostren a túa participación na WordCamp.
