Cando se está a pensar en asistir a un evento, organizar o coidado dos cativos é un dos factores máis importantes para os que temos familia, sobre todo cando o evento se celebra noutra cidade.
Cando temos peques, saír da casa e tomarnos un par de días para asistir a un evento, non é unha decisión doada de tomar. Así e todo, sabemos que asistir a conferencias e eventos é unha parte fundamental para o noso desenvolvemento profesional e persoal, ademais de ser unha gran forma de coñecer xente e novos lugares.
Por iso, queremos poñérvolo doado para vir á WordCamp Pontevedra 2023, e grazas ó patrocinio de X, podemos ofrecervos un servizo de ludoteca para que os vosos fillos e fillas poidan estar atendidos e entretidos mentres vós gozades das charlas e o networking sen preocupacións.
Pontevedra é a cidade perfecta para visitar con cativos
A nosa é unha cidade na que a rúa é o centro da vida social. Pódese ir andando a todas partes, xa que todo queda preto, e o centro está peonalizado para que os nenos e nenas se divirtan a tope nas súas prazas, xardíns e parques infantís.
Así que, os que non coñezades Pontevedra, non dubidedes en traer a toda a familia, porque todos desfrutarán este fin de semana. Se queredes saber máis, esta guía do Concello de Pontevedra davos moita información para visitar Pontevedra en familia.
En que consiste o servizo de Ludoteca?
O horario da ludoteca será o sábado de 9 da mañá a 13:30, e de 15:00 a 18:30. O lugar será o mesmo edificio onde se celebra a WordCamp e os pais poderán achegarse a velos cando queiran.
Teremos un servizo de monitores profesionais (grazas á empresa Aindamáis) que prepararán xogos educativos e de animación para manter ós teus peques entretidos e seguros, mentres desfrutas das charlas.
Os nenos poden levar o seu almorzo ou merenda, e los monitores encargaránse de darllos a media mañá ou tarde, pero o xantar, realizarano cos seus pais na zona de restauración asignada.
Teremos un máximo de 15 nenos e nenas que poderán desfrutar do servizo de ludoteca, de idades entre os 3 e 12 anos. Así que, pedímosche encarecidamente que cubras este formulario para facer a túa reserva. Non poderemos admitir a ninguén no momento sen reserva previa.
Para calquera dúbida, tesnos no correo electrónico pontevedra@wordcamp.org ou na páxina de contacto.
